تجمع مشروع الإلف المصرى - الإسكندريه (فبراير 2015)

لمعرفة المزيد إضغط هنا

EGYPT ELF kim jang woon yesung project

k-pop festival in egypt 2014 ( junior storm mr.simple )

k-pop festival in egypt 2014 ( E.L.F chants )

141014 - Happy Donghae Day Egyptian ELF

141014 - Happy birthdayDonghae Oppa by Houda Khiraddine

141010- هنري قام بعمل رتويت لمشروع الالف المصري

#HappyHenryDay #HenryEgyptELF @henrylau89 @siwon407 @donghae861015 @Himsenkangin @henrylaufp @StringsVietnam pic.twitter.com/Q3OoGktjTl
— Fatma Ezz El-arab ツ (@fatmaezzelarab1) 9 Octobre 2014

140812 - إعلان بخصوص الراديو ^_^

السلام عليكم ^_^

مطلوب بنات كمذيعين لراديو SUJU EGY ...

لأى أسئله أو استفسارات إبعتو رساله لينا على صفحتنا على الفيسبوك..

http://facebook.com/SujuEgy

140714 - هااام لأى حد حابب ينضم لسوجو إيجى ^^

السلام عليكم و رحمة الله وبركاته ^^

كل سنة وانتم طيبين و رمضان كريم ^^

مطلوب الآتى :-

1-ناشرين للأخبار على المدونة

2-أدمنز لحساباتنا المختلفه (تويتر- إنستجرام - فيسبوك)

3-مذيعين لراديو سوجو إيجى

يبتدو من بعد رمضان إن شاء الله (تقبل الله منا و منكم صيامه و قيامه ^^)

اللى يحب ينضم لينا أو يستفسر عن أى حاجه...

 يبعتلنا مسج على صفحتنا على الفيسبوك :

http://facebook.com/SujuEgy

أو يبعتلنا إيميل على :

SujuEgy13@gmail.com

أو يسيبلنا كومنت هنا ^^

ملحوظه : لا يشترط سن أو بلد ... الشرط الإلتزام ^^

140725 - Egyptian ELF Project for Leeteuk's Comeback - مشروع الإلف المصرى لعودة ليتوك ^_^

السلام عليكم و اننيونجهاسيو ^^

ازيكم يا أحلى إلف !!؟

دلوقتى احنا عندنا نسختين للفيديو بتاع ليتوك ... بعد إذنكم شوفو النسختين و إختارو اللى يعجبكم منهم علشان نبدأ نشيره ... شكرااا 

الفيديو الأول :

الفيديو التانى :

على فكره دى مش مسابقه هو الفديوهين من بعض مجرد فروق بسيطه جدااا 

بس علشان نبقى اخدنا رأى الجميع ...

شكرااا ^^

فايتنج إلف... ^____^

و إن شاء الله نتجمع على تويتر فى الترند الخاص بعودة ليتوك يوم 29 الساعه 7 مساءً بتوقيت القاهره ... و حنقول على أى تعديلات إن شاء الله ^_^

Korean cultural center in Egypt-المركز الثقافي و الإعلامي الكوري في مصر

يعلن المركز الثقافى الكورى عن موعد تجارب الأداء لتصفية المتسابقين المشتركين فى مسابقة الكى بوب ..
على ان يكون موعد تجارب الاداء الأحد الموافق 3 اغسطس 2014 فى مقر المركز الثقافى الكورى 8 ش بولس حنا الدقى

وموعد المسابقة 21 اغسطس 2014 وسنوافيكم بمزيد من المعلومات عن المسابقة لاحقا
يرجى من جميع المشتركين الالتزام بمواعيد تجارب الاداء ... وحظ طيب للجميع

140714 - حساب سوجو إيجى على إنستجرام

ازيكم يا احلى ELF 

ان شاء الله ده الانسجترام الخاص بسوجو ايجى هايكون عليه اخبار حفلات السفاره بالاخص  ان شاء الله يكون حلقه وصل بين الحفله و بين الناس اللى هنا وهاتلاقوا عليه اخبار سوجو ايجى 

نتمنى تتابعونا وتدعموا حسابنا على الانستغرام

http://instagram.com/sujuegy

مشروع عالمي - قلوب ليتوك Fan Project (Hearts for leeteuk)ღ

*إرشادات المشروع فى أخر الموضوع*

الجميع يعلم  الظروف المأسويه التى يمر بها ليتوك و عائلته مؤخراً. الإلف فى جميع أنحاء العالم بكو و اصابهم الحزن الشديد مع الإحساس بعدم القدره على فعل شئ. حتى لو سكبنا الدعم عبر الانترنت لبعضنا البعض. الآن ملاكنا الشجاع بارك جونج سو عاد لأستكمال خدمته العسكريه. من المستحيل تخيل كان من الصعب عليه ان يترك ذراعى والدته، أخته و أشقائه فى سوبر جونيور مره أخرى، خاصة فى هذا الوقت الصعب.

إلى الآن أظهر الإلف تصرفات راشده فى تركه ينتحب بدون تدخل؛ الآن هو دورنا. فى أقل من 4 شهورليتوك سيعود للسوبر جونيور ، و سيبدأ التحضير للألبوم السابع. دعونا نريه أننا كنا هنا طوال هذا الوقت (معاه يعنى)، و أنه مازال يحظى بمكان فى قلوبنا

هام جداااا لكل الإلف المصرى : فيديو عوده ليتوك

زي ما كلنا عارفين ان عودة ليتوك فاضلها اقل من شهرين و كألف مصري عايزين نعمل حاجة خاصه بمناسبة عودته , انا فكرت في اننا نعمل فيديو لليتوك علي اغنية Happiness , زي اغنية Happy و اغنية بشره خير , كلنا نرقص في اماكن مختلفة علي الاغنية , فعايزين كلنا نتجمع في يوم نتفق عليه و مكان نتفق عليه بحيث ان الكل يقدر يجي , بس طبعا قبل رمضان , ياريت الالف في جميع المحافظات يشارك معانا و يصور مقتطفات ليهم و يبعتها علشان نقدر نحطها في الفيديو , علشان كلنا نشارك . 

انا بقول ان التجمع يكون قبل رمضان طبعا , انا بقول ان يوم السبت 21/6 مناسب , الي عايز يغير الميعاد نشوف رأيكم ايه و المكان هيكون حديقة الازهر لان فيها اماكن جميله علشان عايزين نظهر مصر بصورة جميلة ز ياريت تقولولي رأيكم بس بسرعه علشان نتفق .

ده الإيفنت على الفيسبوك

https://www.facebook.com/events/679335455449175/?ref=22

اللى عنده أى أسئله يبعتلنا على صفحتنا على الفيسبوك

https://www.facebook.com/Sujuegy

و ده لينك الجروب الرسمى للإلف المصرى على الفيسبوك
https://www.facebook.com/groups/305621092875856/

شكراا، و فايتنج إلف ^_^ ^_^

140515 - تحديث ليدر الإلف المصرى بخصوص موضوع كريس

‫#‏ليدر_الالف_المصري‬
ﻳﺎ ﺗﺪﻋﻤﻮﻫﻢ ﻭ ﺗﺴﺎﻧﺪﻭﻫﻢ ﻑ ﻣﻮﻗﻒ ﺯﻱ ﺩﻩ ﺧﺼﻮﺻﺎ ﺍﻧﻨﺎ ﻣﺮﻳﻨﺎ ﺑﻴﻪ ﻗﺒﻞ ﻛﺪﻩ .. ﻳﺎ ﺍﻣﺎ ﻣﺘﺘﻜﻠﻤﻮﺵ ﻋﻦ ﺍﻟﻤﻮﻗﻒ ﺩﻩ ﺍﺳﺎﺳﺎ ﻭ ﻻ ﻛﺄﻧﻪ ﺑﻴﺤﺼﻞ ﺣﺎﻟﻴﺎ ﻭ ﻻ ﻟﻴﻜﻢ ﺩﻋﻮﻩ ﺑﻴﻪ .. ﻷﻥ ﺍﻟﺸﻤﺎﺗﻪ ﻋﻤﺮﻫﺎ ﻣﺎ ﻛﺎﻧﺖ ﻣﻦ ﻃﺒﻊ ﺍﻷﻟﻒ، ﺍﻟﻠﻲ ﺍﻋﺮﻓﻪ ﻭ ﻋﻴﺸﺘﻪ ﻭﺳﻄﻜﻢ ﺍﻥ ﻑ ﺍﻱ ﻣﻮﻗﻒ ﺑﻨﻜﻮﻥ ﻭﺍﻗﻔﻴﻦ ﺟﻨﺐ ﺍﻟﻔﺎﻧﺰ ﺍﻟﺘﺎﻧﻲ ﻭ ﺑﻨﺪﻋﻤﻪ ﺣﺘﻰ ﻟﻮ ﺑﻴﻨﻨﺎ ﻭ ﺑﻴﻨﻪ ﺧﻼﻓﺎﺕ .. ﻃﺐ ﻣﺎ ﺍﺣﻨﺎ ﺧﻼﻓﺎﺗﻨﺎ ﻣﻊ ﺍﻟﻜﺎﺳﻮﺑﻴﺎ ﻛﺎﻧﺖ ﻭﺍﺻﻠﻪ ﻟﻠﺴﻤﺎ ﻭ ﻣﻊ ﺫﻟﻚ ﺗﻌﺎﻃﻔﻨﺎ ﻣﻌﺎﻫﻢ ﻭ ﻭﻗﻔﻨﺎ ﺿﺪ ﺍﻟﺸﺮﻛﻪ ﺍﻣﺎ ﺍﻧﻔﺼﻠﺖ ﻓﺮﻗﺔ tvxq ..
ﺍﻧﻚ ﺗﺘﻌﺎﻃﻒ ﻣﻊ ﻓﺎﻧﻜﻠﻮﺏ ﺗﺎﻧﻲ ﻟﻈﺮﻭﻑ ﻣﻌﻴﻨﻪ ﻣﺶ ﺣﺎﺟﻪ ﺗﻘﻠﻞ ﻣﻨﻚ ﻭ
ﺍﻇﻦ ﺍﻟﺴﻮﺟﻮ ﺍﻭﻝ ﻧﺎﺱ ﻳﺪﻋﻤﻮﺍ ﺍﻛﺴﻮ ﺑﻌﺪ ﺍﻟﻤﻮﺿﻮﻉ ﺩﻩ ﻭ ﺍﻇﻦ ﺑﺮﺿﻮ
ﺍﻧﻨﺎ ﻭﺍﺧﺪﻳﻨﻬﻢ ﻗﺪﻭﻩ ..
ﺍﺭﺟﻮ ﺍﻥ ﻛﻞ ﺃﻟﻔﻴﻪ ﻏﻠﻄﺖ ﻑ ﺍﻛﺴﻮ ﺗﺮﺍﺟﻊ ﻧﻔﺴﻬﺎ ﻷﻥ ﻣﺶ ﺑﺴﺒﺐ ﻏﻠﻄﻪ ﻓﺮﺩﻳﻪ ﺗﺘﺸﺘﻢ ﻓﺮﻗﺘﻲ ﻭ ﺍﻟﻔﺎﻧﺰ ﺑﺘﻮﻋﻬﺎ .. ﺣﻄﻮﺍ ﺍﻟﺨﻼﻓﺎﺕ ﻋﻠﻰ ﺟﻨﺐ ﻭ ﺭﺍﻋﻮﺍ ﻣﺸﺎﻋﺮ ﺍﻻﻛﺴﻮﺗﻴﻚ ﻷﻥ ﺳﺎﻋﺔ ﻣﺎ ﻫﺎﻥ ﺧﺮﺝ ﻣﻦ ﺳﻮﺑﺮ ﺟﻮﻧﻴﻮﺭ ﻛﺎﻥ ﻓﻴﻪ ﻧﺎﺱ ﺑﺘﺮﺍﻋﻲ ﻣﺸﺎﻋﺮﻧﺎ ﻭﻗﺘﻬﺎ .. ﺣﻄﻮﺍ ﻑ ﺩﻣﺎﻏﻜﻢ ﺍﻧﻨﺎ ﺍﻻﻗﺪﻡ ﻭ ﺍﻻﻛﺘﺮ ﺧﺒﺮﻩ ﻣﻊ ﺍﻟﺸﺮﻛﻪ ﺍﻟﻤﻌﻔﻨﻪ ﺩﻱ ﻭ ﻋﺎﺭﻓﻴﻦ ﺃﻻﻋﻴﺒﻬﺎ ﻛﻮﻳﺲ ﻭ ﻳﺎﻣﺎﺍﺍﺍ ﺷﺮﺑﻨﺎ ﺍﻟﻤﺮ ﺑﺴﺒﺒﻬﺎ ﻳﺒﻘﻰ ﻣﺶ ﻟﻤﺎ ﺍﻟﻜﺎﺱ ﻳﻠﻒ ﻋﻠﻰ ﻏﻴﺮﻧﺎ ﻧﺸﻤﺖ ﻓﻴﻪ .
ﺍﻧﺎ ﺍﻭﻝ ﺍﻟﻤﺘﻌﺎﻃﻔﻴﻦ ﻣﻊ # ﻛﺮﻳﺲ ﻣﺶ ﻷﻧﻲ ﺍﻛﺴﻮﺗﻴﻚ ﺩﻩ ﻷﻧﻲ ﻋﺎﺭﻓﻪ
ﻭﺳﺎﺧﺔ ﺍﺱ ﺍﻡ ﻛﻮﻳﺲ .

130428 - الجديد فى مشروع الشيونست العالمى

#تحديث ليدر الإلف المصرى

من فتره كنا اعلننا عن المشروع العالمي الخاص ب عيد ميلاد شيون و اننا بنجمع مبلغ عشان نتبرع بيه لبرنامج الغذاء العالمي (WFP)

و بالفعل انهارده قدرنا نبعت مبلغ قدره 200 دولار تحت اسم الشيونست المصري ..

المبلغ يمكن يكون قليل بس كفايه ان كذا بنت شاركت فيه مع ان معظمهم مش شيونست و ده عندي بالدنيا كلها، و ان شاء الله خطوه على خطوه هتزيد تفاعلاتنا و نشاطاتنا  ..

احب اوجه شكر خاص للبنات اللي دفعوا ..

Omnia lashin

Nada waleed

Lola torky

Shosho elf

Salma mahmoud

Salma assam

مريم نصير

Jaida hesham sadek

Roka elf

Basma elf

Gogo seoul

Noor wook

Ruby donghae

Neno yongha

Maram meme

Esro donghae

شكرا جدا لتعبكم يا بنات  ..

(ملحوظه المجسم اللي ف الصوره ده وصل مع الفلوس و ده عاملاه omnia lashin اوني بأسم الشيونست المصريين كلهم ^^) ..

140306 - ازاى نقدر نسافر و نستقر فى كوريا فى 8 خطوات بس على راديو سوجو إيجى مع ريم حاتم ^^

ازاى نقدر نسافر و نستقر فى كوريا فى 8 خطوات بس

اول حلقة من فقرة ازاى كانت يوم الاربع و علمتكوا ازاى تعيشوا قصة حب مع ابن بلدكوا على الطريقة الكورية..للناس اللى مسمعوناش يوم الاربع يقدروا ياخدوا فكرة عن الموضوع  ... من هنا ^^

بس فى ناس للأسف مقدروش يكملوا الخطوات بالظبط عشان كدة قررنا اننا نكمل جميلنا للآخر و ننزلكوا الخطة (بى) عشان محدش يقولنا ان احنا سبناكوا فى الاوقات الحرجة..

لو معرفتوش تصنعوا قصة حب كورية فى وطنكوا فاصنعوها فى وطنها الاصلى...فقرتنا النهاردة هتتكلم عن:

ازاى نقدر نعيش قصة الحب الكورية اللى احنا عايزنها من خلال السفر و الاستقرار فى كوريا...كتير منكوا هيسألونى ازاى..

انا اقولكوا..

كلنا طبعا حلمنا إننا نطير على كوريا و نقابل الاوبا بتعنا..او اقل حاجة إننا نروح نزور الاماكن الوااااو اللى بنشوفها على التلفزيون..

يا رب اوعدنااا..

عشان كدة أنا قولت اننا لازم نخدمكوا و نقدملكوا خطوات تساعدكوا انكوا تحققوا الحلم ده^^

الخطوة الاولى:رأس المال...

لازم قبل ما تاخدى قرار خطير زى الهروب الى كوريا تتأكدى انك معاكى فلوس تكفى انك تشترى تذكرة سفر و للمعيشة هناك مدة كافية لغاية ما تأمنى لنفسك شغل ..

طب انتى هتأمنى الفلوس ديه ازاى؟؟

اتصرفى يا ستى..كل واحد و طريقته بئى..اكيد مش هتغلبي..اشتغلى فى شركة كبيرة..اختلسى فلوس الشركة الكبيرة ديه..اسرقى بنك..

اهم حاجة تأمنى الفلوس اللى هتحتاجيها هناك..

الخطوة التانية:لمي عزالك...

لازم بعد ما تطمنى إنك حليتى مشكلة الفلوس تبدأى تشترى الحاجات اللى هتحتاجيها هناك..زى مثلا..بلاطى عشان الجو هناك

سقعة..كرمبتين..ملوخية..شوية مخلل فى حال لو الاكل هناك معجبكيش او لو وحشك اكل بلدك او لو طلع عليكى عصابة كورية و انتى ماشية فى شارع كوريا العمومى سرقوا فلوسك...محدش ضامن ايه اللى ممكن يحصل الايام ديه...

اهم حاجة هاااتى كللللل اللى انتى عايزاه و محتجاه..و شيلي الحاجات ديه لغاية ما تيجى اللحظة الحاسمة..لحظة سفرك الى كوريا..

الخطوة الثالثة:الهروب الى كوريا...

بعد ما تنفذى الخطوتين اللى فاتوا..هنيجى لأهم خطوة..

تروحى تحجزى تذكرتين سفر لكوريا ذهاااب بلا عودة....

هتسألينى طبعا ليه قولتلك تذكرتين؟!!!أنا هقولك..الموضوع بسيط جداا..واحدة ليكى و واحدة ليااا..

سمعاكى ياللى بتشتمى على فكرة و هجيبك.....ما علينااا..

احجزى تذكرة السفر لأول رحلة طالعة على كوريا..اوعى تتذاكى و تقولى اما الحق اودع اصحابى و اقولهم انى رايحة كورياا..لالالالالالالالا...انسى صحابك دلوقتى خالص..واحدة فيهم تديكى عين الطيارة تولع بيكى قبل ما تقطع نص المسافة اصلا..

قاطعى اصحابك..انسيهم...على الاقل فى الوقت حالى..لغاية ما تحققى هدفك النبيل و السامى و هو السفر الى كوريا..

الخطوة الرابعة:اتمسكنى لحد ما تتمكنى...

لما توصلى لأرض الوطن بسلام و يبئى كله تمام و الشطة..لازم تدورى على سكن بسيط تقعدى فيه لغاية ما ربنا يسهلها و تلاقى شغل..إياكى ثم إياكى ثم إياكى تروحى تعيشيلى فى شقة فخمة و محترمة او حتى تنزلى فى اوتيل..امسحى الكلام ده كله من دماغك

لو قولتيلى(ليييه ؟؟ما انا سرقت بنك و معايا فلوس كتير)

هقولك:فلوسك ممكن تخلص او تتسرق يا ازكى اخواتك..دارى على شمعتك تئييد..و المال الحرام مبيدومش

انتى بعد ما تلمى شنطك و تخرجى من المطار تاخدى بعضك و تدورى على منطقة شِعبية فى كوريا و تسألى عن شقة صغننة من اى اجوماا هناك..و تتمسكنلها و تحسسيها انك معدمة و محلتكيش اللضا عشان تصعبى عليها..و اوعي تقوللها انك سرقتى بنك قبل ما تيجى على كوريا عشان متطمعش فيكى....

الخطوة الخامسة:دورى على شغل...

بعد ما الاجوما توافق انها تديكى سكن و الكلام ده كله..متضيعيش وقت و انزلى بسرعة دورى على شغل هناااك..

هتسألينى تانى(طب و انا ادور على شغل ليه بئى و انا سارقة بنك؟؟)

أنا هفهمك...الاجوما متعرفش انك سارقة بنك..و كمان لو ادتيها الايجار من غير ما تشتغلى هتشك فى حاجة اكيد و مش هتسيبك فى حالك و عشان كدة لازمن ولا بد انك تشتغلى...

و كمان انتى رايحة كوريا عشان تعيشى زى اى فتاة كورية اصيلة و تلاقى الاوبا بتاعك..يبئى لازم تستحملى..

هتنزلى تدورى على شغل و يستحسن يكون فى اى مطعم او كافيه..و لما تأمنى وظيفة حاولى تحافظى عليها و اوعى تعملى اى مشاكل مع صاحب المطعم او الكافيه اللى انتى بتشتغلى فيه او تضربيه او تسرقيه هو كمان عشان ميرحلوكيش على بلدك و يبوظ كل اللى عملناه و فوق ده كله بدل ما يحبسوكى بتهمة واحدة هيحبسوكى بتهمتين..اكيد انتى منستيش البنك اللى سرقتيه عشان تهربى لكوريا.

الخطوة السادسة:دورى على (فلاور بوى) مؤقت...

انتى لازم تأمنى مستقبلك الكورى و متسمحيش انك تترحلى على بلدك تانى..عشان كدة لازم تدورى على (فلاور بوى) مؤقت..

و يستحسن (الفلاور بوى) ده يكون كيوت و غنى...

فى المسلسلات الكورى دايمااا بيكون فيه مثلث حب..الولد العسول الغنى اللى بيحبها و الولد البارد الرخم اللى هى بتحبه و فى الاخر هو كمان هيحبها برده...

نخلينا دلوقتى فى الغنى الكيوت بتعنا..هتكونى واقفة فى الكافيه او المطعم اللى بتشتغلى فيه متربصة و منتظرة اى شخص كيوت و غنى يهل عليكى..انتى لازم تنتهزى اى فرصة عشان تتعرفى عليه و تبدأى شغل المسلسلات الكورى اللى شوفتيها لغاية ما تقنعيه انكوا تتجوزوا بسرعة..

طبعا هو مش هيكون عارف انك هتتجوزيه عشان تاخدى الجنسية..اتجوزوا و اول ما تاخدى الجنسية الكورية اقنعيه انكوا لازم تنفصلوا عشان مصلحتوا هو...و اعملى عليه شوية جو مصرى بتاع الطار ولا العار..و بكده كل واحد فيكوا هيروح لحاله...

الخطوة السابعة:هترجعى تعيشى مع الاجوما...

فى الخطوة ديه هترجعى تعيشى مع الاجوما من تانى و هتضطرى تدورى على شغل جديد..بس المرادى هتروحى تشتغلى الشغل اللى اتهرى فى مليون فان فيكشن قبل كدة...

اكيد عرفتى الشغل ده هيكون ايه..

برافوا عليكى...هتروحى تقدمى فى شركة اس ام...و المرادى هتعملى اللى بتقرأيه فى كل الفان فيكشن اللى عرفتها البشرية..

هتعملى مشكلة مع الاوبا بتاعك و هتتخانقوا فترة و هو هيحبك..

ولااااااااااااااا اسهل...و ابتسامتك علينا... 

الخطوة الثامنة و الاخيرة:الاستقرار فى كورياااا...

و اخيرا تبدأ حياة الاستقرار فى كورياا بعد رحلة طووويلة من المعاناة...و بعد ما لقييتى ال (فلاور بوى) و وقعتى الاوبا بتاعك فى حبك...و اخيرا و عندما تكون الحياة الوردية على وشك البدأ..

و اخيرا و عندما تكون الحياة الوردية على وشك البدأ تتفاجئى بالبوليس طب عليكى و يرحلوكى على بلدك تانى بعد ما كل الادلة تشير انك انتى اللى سرقتى البنك فى بلدك...

مأســــــــــــــــــــــــــــــــــــاة

بس ثانية واحدة..انتى اخدتى الجنسية الكورية بالفعل..و بالتالى هيكون فى حل من اتنين,..

الحل الاول:"هتتسحب منك الجنسية الكورية و تترحلى على بلدك عشان تقضى باقى عمرك فى السجن..(مأســـــــــــــــــــــــاة)"

الحل التانى:"انك تتحبسى فى بلدك الثانى (اللى هى كوريا طبعا) و ساعتها هتكون نص مأســـــــاة..."

و زى ما عودناكوا طبعا اننا فى نهاية كل فقرة من فقرات ازاى بنحطلكوا تنويه عشان السلامة العامة...

تنويه:"صفحتنا سوجو ايجى و برنامجنا غير مسئول عن اى خطوة من الخطوات اللى فاتت..يعنى السلعة لا تستبدل ولا ترد ولا تستحدث من العدم و احنا ولا نعرفكوا..."

Walaa " Egyptian Cassiopeia Leader" - That Day When I Saw Yunho ~ and He Said Hi to me !!!!! - ولاء (ليدر كاسيبويا مصر) اليوم الذى رأيت فيه يونهو (تى فى إكس كيو) و قال لى مرحباً ^^

الكلام ده بتاع ليدر الكاسيوبيا فى مصر ... البوست كان بالانجليزي و تعبت فى ترجمته ...
إحنا فرحانيين ليها جدا و حبينا اننا ننشر كلامها هنا كمان لانه حيفرح الإلف جداا ^_^ 

ولاء مع واحد من الدانسرز بتوع TVXQ

اليوم الذى رأيت فيه يونهو ~ و قال لى مرحبا !!!
_________________________________

حسناً لا يمكننى تصديق أننى أكتب الفان أكونت الخاص بى الأن . لقد أعتدت أن أقرا هذه الفان أكونتات عن الفتيات المحظوظات الذين قابلو النجم الخاص بهم و أشعر بالغيره و أحلم بأن أكون فى حذائهم (مكانهم يعني ^^) يوما من الايام
لقد سافرت لسيولو كنت محظوظه لأن الأسبوع الأخير فى ترويج TVXQ لألبومهم الجديد كان ينتظرنى....

قصتى بدأت حينما أردت الذهاب لميوزيك كور(قلب الموسيقى) ولكن لم يكن لدى أى فكره عن كيفيه الذهاب، متى و أين!!! لذلك طلبت المساعدة من فان يابانيه "BIGEAST" التى قابلتها فى كوريا ، هى قالت لى أنها ستذهب أيضا و هذا كان رائعاً .. حيث انها ستقوم بكل شئ و أنها فقط ساتبعها ،، كان علينا أن نتقابل فى 5:30 صباحاً لأنه كان علينا التواجد أمام مبنى mbc الساعه 7:10 صباحاً بحد أقصى و ذلك لأنه "ربما" نحصل على فرصه جيده بأن نحضر العرض.للعلم إن شروق الشمس فى سيول يكون فى 7:10 صباحاً !! ؛ و mbc خارج سيول لذلك سوف يستغرق التواجد هناك ساعه .

"يبدأ يوم بشع"

أستيقظت متأخره و كنت فى عجله حيث أن صديقتى اليابانيه أخبرتنى أنها سوف تنتظرنى فى ال 5:30 ~ 5:45 صباحاً كحد أقصى وذلك لأن التأخر لدقيقه واحده قد يتسبب فى عدم حضور العرض , ركضت فى الشارع ل 10 دقائق ثم وصلت للمكان حيث كان ينبغى أن نتقابل فى ال 5:55 صباحاً و كانت قد غادرت بالفعل !!! كان الوقت مازال ليلا و مظلم للغايه ، و لم أكن أستطيع التنفس لأنى كنت أركض طوال الطريق ولأنى وجدت نفسى وحيده فى الشارع.

بدأت بالبكاء حيث أنى لم أتواجد فى هذا الموقف من قبل ، كان الوضع مخيفاً و لم أكن أعلم ماذا على أن افعل !! إنتظرت ل 15 دقيقه فىنفس المكان .. هل ينبغى على العوده للمنزل و ينتهى يومى بهذا الشكل؟؟!!

هااااام جدااااا : مشروع الشيونست العالمى بمناسبه عيد ميلاد شيون ^^

بالنسبه للي لسه ميعرفش عن المشروع و برضه للي يعرف بس مش عارف التفاصيل ^_^

المرحله الأزلى بتحتوي علي 3 اشياء اساسية ماهي ؟

خليكوا معايا كده واحده واحدة

الجزء الأول هو "التبرع لصالح مؤسسة الغذاء العالمى"

 التبرع لصالح مؤسسة الغذاء العالمي للتبرع لكل الاشخاص الجائعين في كل انحاء العالم , كل 5 دولار بتساعد في اطعام 20 طفل في انحاء العالم ,فشوفوا بقي لو كل واحد اتبرع ب 5 دولار يعني 35 جنيه فكانه اكل 20 طفل , يعني 200 واحد اتبرع بيقي 1000 واحد هيحصل علي اكل .

احنا فعلا بدأنا بلم الفلوس , و في ناس دفعت و جزاهم الله كل خير , احنا املنا اننا نلم مبلغ كبير علشان نقدر نفيد اكبر عدد من الاطفال .

الجزء التاني هو" هيا بنا نلعب"

اللعبة اسمها Free Rice Game و علي فكرة اللعبة برضه هدفها اننا نجمع نقاط لصالح برضه الاطفال , كل نقطة بنكسبها بتساعد علي اطعام الاطفال .

اللعبة عبارة عن معلومات عامة , و بنلعبها في مجموعات باسم

"Love from Siwon Choi's Fans"

و علشان تعرفوا تلعبوها ممكن تدخلوا علي الرابط ده علشان تعرفوا ازاي تسجلواhttp://siwonlover.com/project-siwons-birthday-episode-1/3/

اللعبة ممكن نلعبها كل يوم , عبارة عن الاجابة عن 100 سؤال في اقل من ساعة , تخيلوا ان 100 واحد بيلعبها لمدة 100 يوم لغاية عيد ميلاد شيون , شوفوا بقي كمية الارز الي هنكسبه علشان يتوزع علي الفقراء .

بس لازم تلعبوا في مجموعات تحت اسم " Love From Siwon Choi 's Fan "

الجزء الثالث هو " اختبار الجوع " ايه هو ؟؟؟؟

هو عباره عن 5 اسئلة عن الجوع , اذا جاوبت علي ال 5 اسئلة , سوف يحصل طفل علي وجبة بالمقابل

المطلوب منك ان تقوم بعمل الاختبار باسم " SiwonFan " يعني لما يسالك عن اسمك الاول تكتبي " SiwonFan " و بعد كده تكتبي اسمك في الاسم الاخير , علشان يعرفوا قوة الشيونيست العالمي

طريقة اللعب Free Rice : اول حاجة هنسجل الدخول , كلنا نلعب باسم EgyptSiwonest و الباسورد 6UNkdf7JQr بعد كده ندخل علي الجروب Love From Siwon Choi's Love

للتبرع من داخل مصر او خارج مصر ده رقم الحساب 36201375072 في البنك الاهلي المصري

http://siwonlover.com/project-siwons-birthday-episode-1/3/

kyuhyun solo ( sakura+kanade) ss4 live arabic sub

translated by Egyptian ELF : Cho Snow