أنا والسوجو قصص ELF

السلام عليكم متابعينا 
من فتره كنا اعلنا فى صفحتنا على الفيس بوك ان كل واحده منكم تحكى قصتها مع سوجو وازاى اتعرفت عليهم وياترى هل اثروا عليكم؟ وايه اللى بتتمنوه من ولـ السوجو فى المستقبل انهم يشاركوا فيه من برامج ....الخ

دى بعض المشاركات اللى وصلتنا
الجزء الاول

سوري سوري يا جي ريم (Ji Rim)  

 • في الاول انا الف من 4 سنين ^^ • و حكايتي مع السوجو اني اول ما اكتشفت كوريا تي في و انا بتفرج عليها عادي • جت اغنيه sorry sorry و انا لاقيت ان الاقاع عجبني و اسلوب الموسيقي و سلاستها و سهولتها في الحفظ و بدات اتفرج عليها كتير و بدات اشوف العضوين ليتوك و ايونهيوك في ستاركينج و البرامج اللي كانت بتيجي • حبيت اغانيهم اوي تاني اغنيه اعرفها ليهم كانت bonamna و بعديها mr simple و no other و كان عضوي المفضل سونجمين و مازال ^^

• و من هنا انجذبت ليهم اكتر و ابتديت اعرف عنهم اكتر عن طريق النت و احفظ الاعضاء واحد واحد و اتابع اخبارهم و اغانيهم علي النت لحد ما بقيت الف • و من ساعتها ابتدت مرحله الادمان مبقاش في يوم يعدي من غير لما اسمع الاغاني بتاعتهم او اشوف علي اليوتيوب البرامج بتاعتهم^^ • و اكتشفت جروب الالف المصري علي الفيسبوك و انضميت ليه و اتعرفت علي الالف اللي زيي ^^ • السوجو بالنسبالي بجد حاجه تحفااااااا هما و الالف الناس اللي كل ما اكون زعلانه اتفرج عليهم الابتسامه تملا وشي ^^ • و حتي الان انا قربت علي اني اكون الف من 5 سنين ^^ و دي تجربتي مع السوجو ^^ • نفسي السوجو يجربو يعملو مدرسه لتعليم الموسيقي حتي بعد تقاعدهم يبقو مدرسين فيها ^^ و انهم يعملو فيلم تاني زي attack on the pin up boys يكونو متجمعين فيه ^^

__________

كلارا (Kla Ra) "صديق طول الطريق"

• من 8 سنين ايام الثانوى بتاعتى فى بنت عرفتنى على الدبل اس حبيتهم اوى وهى كان عندها نت وانا مش عندى كنا بنحبهم اوى وكان بيتقال علينا مجانيين فى المدرسه وكنت بعانى بسبب المشكله دى • وبعدين ورتنى صوره لشيون اوبا وهو ايام الكحرته كده انا شوفته من هنا وحسيته فى براءه غريبه جدا والولاد فى نظرى بقم هو شيون وبس ونفسى اتجوز واحد زيه او شبهه وحلمى انى اسافر كوريا بس عشان اشوفه ولو حتى من بعيد

• ولما دخلت الجامعه وبعدين وكنت بدخل على النت من تليفون البيت وكان بطئ بطئ ياساتر وفاكراها والله اول اغنيه حملتها من النت كانت اغنيه السوجو twins وبعدين مكنتش فاهمه حاجه منها وطبعا الى جانب موسيقى الدبل اس اكيد لانهم اول فرقه كوريه تدخل حياتى والله كنت بسمعهم كده عشان الحانهم والموسيقى عجبانى وشيون بيغنى فيها صحيح معرفش انهى صوت بس اهو منهم وخلاص • ولحد مادخل النت عندنا بقى وخلاص حملت البوماتهم وبقيت اشوف ترجمه الاغانى وبقيت هى الاغانى عندى هى البومات السوجو والكى بوب وبس • واتعلمت منهم حاجات كتير اتعلمت الصراحه معنى الصداقه الحقيقه والوفاء على الرغم ان ده مش موجود فى مصر بس انا خليت الوفاء للصديق صفه اساسيه فيا ومااغيرش من اصحابى حتى لو كانوا اغنى او احسن منى فى كل حاجه واتعلمت من شيون انى لازم اشكر ربنا على اى حاجه حبيبى ياشيون والله حتى لو اتجوزت واحد مش زى شيون انا حبى هو شيون من 8 سنين وهفضل احبه لحد مااموت واشجع السوجو لحد مااموت لانهم بجد اسطوره فى الغناء والاخلاق وفى كل حاجه تحسى كده انهم كلهم بيكملوا بعض اللى عنده حاجه ناقصه فى شخص تلاقى شخص تانى بيكمله فيها وبيتعلموا من بعض بروح كده مش عندنا يعنى بيتقبلوا النصايح من بعض وبيسعوا انهم يكونوا الافضل فى كل شئ مش فى الغناء بس فى كل حاجه حتى فى تجاربهم فى الحياه اقولك الحق انا مهما اتكلمت عنهم مش هديهم حقهم كفايه ان بنت عاديه زى مثلا لو عيطت بتفتكر موقف عمله شيون او ليتوك مضحك اضحك على طول • هما الصراحه صانعوا البهجه والسعاده لينا وبتمنى ان احنا الالف برده نكون صنعنا بهجه وسعاده ليهم يمكن لما نصنعلهم البهجه نوفيهم حقهم

• واللى بتمنى يعملوه السوجو بالاضافه طبعا لحفله فى مصر ويجوا مصر نفسى يعملوا برنامج لقد تزوجنا للتو مع الاف العربى ويختاروه البنات بالقرعه ياسللللللللللللللللام حلم حياتى

وشكرا انا اسمى كلارا او شيماء مش مصريه بس عايشه فى مصر بس والدى مصرى تركى فانا اكون مصريه تركيه فاسمى بالتركى هو كلارا لو حبيتى تنادينى بيه يعنى اسفه انى صدعتكوا

 __________

دنيا زاد" اشكرك يا راين "

في سنة 2008 كنت بدور على حلقات فول هاوس مسلسل راين ، ولقيت في القائمة جمبها فول هاوس سوبر جونيور اتفرجت عليها وكان هيتشول اكتر حد شدني فيهم ، بعدها دورت على السوبر جونيور وشفت دونت دون الاغنية اللي خلتني اتعلق بيهم ، انا ماكنتش مستغربة اشكالهم ولا لغتهم عشان بتابع الكوري من ايام الاعدادي ، وقتها كنت بحفظ اسماءهم ، وبتفرج على البرامج اللي بيشاركو فيها ، بس حبيت توكي اكتر واحد منهم ، حسيت بحنان جواه وانو بيرعى الجميع ، من غير ما يسأل ول ا يستنى حد يرعاه ، وبعد هذا الاهتمام البسيط بالفرقة دي ن الى جانب الدراما الكوري ، سمعت انهم هيطلعو البوم جديد وفضلت استنى صدور البوم سوري سوري بفارغ الصير وانتظاري ما كانش غلط عشان اسروني في الاغنية دي ، كنت وقتها حفظت اسماءهم ولسة مصرة ان توكي هو احسن واحد فيهم ن بالرغم من ان اغنية اعادة تجميع الالبوم ( نوراغو) اظهرت ان ييسونغ وكيوهيون اصواتهم تحفة ، وشدوني الاتنين الصراحة ، بس بردو كنت حاسة ان مافيش حد زي توكي، المهم حصل موقف كده ن كنت مستنية ردة فعل معينة من توكي على الموقف ده ن ولكنو كان سلبي جدا ن وده خلاني اشوف جانب تاني ما كنتش شايفاه قبل كده ، وحسيت ان مش هو الانسان اللي لازم يبقى فارس احلامي، وقتها استسلمت لصوت كيوهيون اللي طلعني من حالة الحزن اللي لبستني ، و من غير مقدمات اقتحم قلبي ولحد دلوقتي مش عارفة اطلعو منو ن برغم كل السلبيات القليلة اللي فيه بس بردو مش بحب حد زي ما بحبو

اكتر حاجات حبيتها في السوجو كفاحهم وانهم عيلة واحدة بالرغم من المشاكل اللي حصلت ما بينهم الا انهم عمرهم ما اتخلو عن بعض ، كل همهم انهم يبقو الاحسن وما يخذلوش الفانز ، اتعلمت منهم ازاي اصمم على تحقيق حلمي مهما كانت الظروف واني ما اقفش عند اول عقبة في طريقي، بسبب السوبر جونيور لقيت نفسي في اكبر عيلة في العالم عيلة الالف والسوجو، عالم خاص بيا وباصحابي اللي لما ازعل الاقيهم جمبي واللي لما افرح نعمل احتفال مع بعض ، طول فترة الفيتي كنت دايما حاسة ان السوجو والالف بيمشو على نفس الطريق بيدعموا بعض ، وبيحبو بعض ، بالنسبالي السوجو ارقى فرقة والالف ارقى معجبين ، اتمنى انهم يرجعو تاني كلهم مع بعض وانهم يعملو دراما يشاركو فيها كلهم وليه لا الدراما دي تكون واحدة من الفيكشنز اللي احنا بنكتبها ،

طبعا انا بحب السوجو كلهم ، بس كيوهيون تربع على عرش قلبي ومش راضي يسيب فرصة لغيرو ، وبجد اتمنى ومن كل قلبي اني اقابلو ولو للحظات بسيطة

عارفة اتكلمت كتير بس لو كتبت كتاب بحالو مش هقدر اختصر قصتي انا والسوجو ، عشان احنا مش فرقة ومعجبين احنا اهل ، احنا حبايب، احنا للابد مع بعض .

بس قبل ما اختم كلامي كلو عايزة اتوجه بالشكر الجزيل لعمو راين ،عشان دراما " فول هاوس" كانت السبب اني اتعرف على سوبر جونيور في زمن مبكر واني ابقى الف لمدة تقريبا 6 سنوات

انا بحب السوجو والالف ، اذا انا موجود الله- الوطن- السوجو

نتمنى الموضوع يعجبكم وانتظرونا مع باقى حكايات انا والسوجو 

اعداد :دنيا زاد