140812 - إعلان بخصوص الراديو ^_^

السلام عليكم ^_^

مطلوب بنات كمذيعين لراديو SUJU EGY ...

لأى أسئله أو استفسارات إبعتو رساله لينا على صفحتنا على الفيسبوك..

http://facebook.com/SujuEgy

140715 - SUJU EGY RADIO will come back after Ramadan isA ^_^

إنتظرو عودة راديو سوجو إيجى بعد رمضان إن شاء الله ^^

كل سنه و انتم طيبين و تقبل الله صيامه و قيامه... ^^

140306 - ازاى نقدر نسافر و نستقر فى كوريا فى 8 خطوات بس على راديو سوجو إيجى مع ريم حاتم ^^

ازاى نقدر نسافر و نستقر فى كوريا فى 8 خطوات بس

اول حلقة من فقرة ازاى كانت يوم الاربع و علمتكوا ازاى تعيشوا قصة حب مع ابن بلدكوا على الطريقة الكورية..للناس اللى مسمعوناش يوم الاربع يقدروا ياخدوا فكرة عن الموضوع  ... من هنا ^^

بس فى ناس للأسف مقدروش يكملوا الخطوات بالظبط عشان كدة قررنا اننا نكمل جميلنا للآخر و ننزلكوا الخطة (بى) عشان محدش يقولنا ان احنا سبناكوا فى الاوقات الحرجة..

لو معرفتوش تصنعوا قصة حب كورية فى وطنكوا فاصنعوها فى وطنها الاصلى...فقرتنا النهاردة هتتكلم عن:

ازاى نقدر نعيش قصة الحب الكورية اللى احنا عايزنها من خلال السفر و الاستقرار فى كوريا...كتير منكوا هيسألونى ازاى..

انا اقولكوا..

كلنا طبعا حلمنا إننا نطير على كوريا و نقابل الاوبا بتعنا..او اقل حاجة إننا نروح نزور الاماكن الوااااو اللى بنشوفها على التلفزيون..

يا رب اوعدنااا..

عشان كدة أنا قولت اننا لازم نخدمكوا و نقدملكوا خطوات تساعدكوا انكوا تحققوا الحلم ده^^

الخطوة الاولى:رأس المال...

لازم قبل ما تاخدى قرار خطير زى الهروب الى كوريا تتأكدى انك معاكى فلوس تكفى انك تشترى تذكرة سفر و للمعيشة هناك مدة كافية لغاية ما تأمنى لنفسك شغل ..

طب انتى هتأمنى الفلوس ديه ازاى؟؟

اتصرفى يا ستى..كل واحد و طريقته بئى..اكيد مش هتغلبي..اشتغلى فى شركة كبيرة..اختلسى فلوس الشركة الكبيرة ديه..اسرقى بنك..

اهم حاجة تأمنى الفلوس اللى هتحتاجيها هناك..

الخطوة التانية:لمي عزالك...

لازم بعد ما تطمنى إنك حليتى مشكلة الفلوس تبدأى تشترى الحاجات اللى هتحتاجيها هناك..زى مثلا..بلاطى عشان الجو هناك

سقعة..كرمبتين..ملوخية..شوية مخلل فى حال لو الاكل هناك معجبكيش او لو وحشك اكل بلدك او لو طلع عليكى عصابة كورية و انتى ماشية فى شارع كوريا العمومى سرقوا فلوسك...محدش ضامن ايه اللى ممكن يحصل الايام ديه...

اهم حاجة هاااتى كللللل اللى انتى عايزاه و محتجاه..و شيلي الحاجات ديه لغاية ما تيجى اللحظة الحاسمة..لحظة سفرك الى كوريا..

الخطوة الثالثة:الهروب الى كوريا...

بعد ما تنفذى الخطوتين اللى فاتوا..هنيجى لأهم خطوة..

تروحى تحجزى تذكرتين سفر لكوريا ذهاااب بلا عودة....

هتسألينى طبعا ليه قولتلك تذكرتين؟!!!أنا هقولك..الموضوع بسيط جداا..واحدة ليكى و واحدة ليااا..

سمعاكى ياللى بتشتمى على فكرة و هجيبك.....ما علينااا..

احجزى تذكرة السفر لأول رحلة طالعة على كوريا..اوعى تتذاكى و تقولى اما الحق اودع اصحابى و اقولهم انى رايحة كورياا..لالالالالالالالا...انسى صحابك دلوقتى خالص..واحدة فيهم تديكى عين الطيارة تولع بيكى قبل ما تقطع نص المسافة اصلا..

قاطعى اصحابك..انسيهم...على الاقل فى الوقت حالى..لغاية ما تحققى هدفك النبيل و السامى و هو السفر الى كوريا..

الخطوة الرابعة:اتمسكنى لحد ما تتمكنى...

لما توصلى لأرض الوطن بسلام و يبئى كله تمام و الشطة..لازم تدورى على سكن بسيط تقعدى فيه لغاية ما ربنا يسهلها و تلاقى شغل..إياكى ثم إياكى ثم إياكى تروحى تعيشيلى فى شقة فخمة و محترمة او حتى تنزلى فى اوتيل..امسحى الكلام ده كله من دماغك

لو قولتيلى(ليييه ؟؟ما انا سرقت بنك و معايا فلوس كتير)

هقولك:فلوسك ممكن تخلص او تتسرق يا ازكى اخواتك..دارى على شمعتك تئييد..و المال الحرام مبيدومش

انتى بعد ما تلمى شنطك و تخرجى من المطار تاخدى بعضك و تدورى على منطقة شِعبية فى كوريا و تسألى عن شقة صغننة من اى اجوماا هناك..و تتمسكنلها و تحسسيها انك معدمة و محلتكيش اللضا عشان تصعبى عليها..و اوعي تقوللها انك سرقتى بنك قبل ما تيجى على كوريا عشان متطمعش فيكى....

الخطوة الخامسة:دورى على شغل...

بعد ما الاجوما توافق انها تديكى سكن و الكلام ده كله..متضيعيش وقت و انزلى بسرعة دورى على شغل هناااك..

هتسألينى تانى(طب و انا ادور على شغل ليه بئى و انا سارقة بنك؟؟)

أنا هفهمك...الاجوما متعرفش انك سارقة بنك..و كمان لو ادتيها الايجار من غير ما تشتغلى هتشك فى حاجة اكيد و مش هتسيبك فى حالك و عشان كدة لازمن ولا بد انك تشتغلى...

و كمان انتى رايحة كوريا عشان تعيشى زى اى فتاة كورية اصيلة و تلاقى الاوبا بتاعك..يبئى لازم تستحملى..

هتنزلى تدورى على شغل و يستحسن يكون فى اى مطعم او كافيه..و لما تأمنى وظيفة حاولى تحافظى عليها و اوعى تعملى اى مشاكل مع صاحب المطعم او الكافيه اللى انتى بتشتغلى فيه او تضربيه او تسرقيه هو كمان عشان ميرحلوكيش على بلدك و يبوظ كل اللى عملناه و فوق ده كله بدل ما يحبسوكى بتهمة واحدة هيحبسوكى بتهمتين..اكيد انتى منستيش البنك اللى سرقتيه عشان تهربى لكوريا.

الخطوة السادسة:دورى على (فلاور بوى) مؤقت...

انتى لازم تأمنى مستقبلك الكورى و متسمحيش انك تترحلى على بلدك تانى..عشان كدة لازم تدورى على (فلاور بوى) مؤقت..

و يستحسن (الفلاور بوى) ده يكون كيوت و غنى...

فى المسلسلات الكورى دايمااا بيكون فيه مثلث حب..الولد العسول الغنى اللى بيحبها و الولد البارد الرخم اللى هى بتحبه و فى الاخر هو كمان هيحبها برده...

نخلينا دلوقتى فى الغنى الكيوت بتعنا..هتكونى واقفة فى الكافيه او المطعم اللى بتشتغلى فيه متربصة و منتظرة اى شخص كيوت و غنى يهل عليكى..انتى لازم تنتهزى اى فرصة عشان تتعرفى عليه و تبدأى شغل المسلسلات الكورى اللى شوفتيها لغاية ما تقنعيه انكوا تتجوزوا بسرعة..

طبعا هو مش هيكون عارف انك هتتجوزيه عشان تاخدى الجنسية..اتجوزوا و اول ما تاخدى الجنسية الكورية اقنعيه انكوا لازم تنفصلوا عشان مصلحتوا هو...و اعملى عليه شوية جو مصرى بتاع الطار ولا العار..و بكده كل واحد فيكوا هيروح لحاله...

الخطوة السابعة:هترجعى تعيشى مع الاجوما...

فى الخطوة ديه هترجعى تعيشى مع الاجوما من تانى و هتضطرى تدورى على شغل جديد..بس المرادى هتروحى تشتغلى الشغل اللى اتهرى فى مليون فان فيكشن قبل كدة...

اكيد عرفتى الشغل ده هيكون ايه..

برافوا عليكى...هتروحى تقدمى فى شركة اس ام...و المرادى هتعملى اللى بتقرأيه فى كل الفان فيكشن اللى عرفتها البشرية..

هتعملى مشكلة مع الاوبا بتاعك و هتتخانقوا فترة و هو هيحبك..

ولااااااااااااااا اسهل...و ابتسامتك علينا... 

الخطوة الثامنة و الاخيرة:الاستقرار فى كورياااا...

و اخيرا تبدأ حياة الاستقرار فى كورياا بعد رحلة طووويلة من المعاناة...و بعد ما لقييتى ال (فلاور بوى) و وقعتى الاوبا بتاعك فى حبك...و اخيرا و عندما تكون الحياة الوردية على وشك البدأ..

و اخيرا و عندما تكون الحياة الوردية على وشك البدأ تتفاجئى بالبوليس طب عليكى و يرحلوكى على بلدك تانى بعد ما كل الادلة تشير انك انتى اللى سرقتى البنك فى بلدك...

مأســــــــــــــــــــــــــــــــــــاة

بس ثانية واحدة..انتى اخدتى الجنسية الكورية بالفعل..و بالتالى هيكون فى حل من اتنين,..

الحل الاول:"هتتسحب منك الجنسية الكورية و تترحلى على بلدك عشان تقضى باقى عمرك فى السجن..(مأســـــــــــــــــــــــاة)"

الحل التانى:"انك تتحبسى فى بلدك الثانى (اللى هى كوريا طبعا) و ساعتها هتكون نص مأســـــــاة..."

و زى ما عودناكوا طبعا اننا فى نهاية كل فقرة من فقرات ازاى بنحطلكوا تنويه عشان السلامة العامة...

تنويه:"صفحتنا سوجو ايجى و برنامجنا غير مسئول عن اى خطوة من الخطوات اللى فاتت..يعنى السلعة لا تستبدل ولا ترد ولا تستحدث من العدم و احنا ولا نعرفكوا..."

140228 - انهى أحسن الKpop ولا ال Apop مع رضوى و روما ^^

انيووووووووووووووووووووووووووووووووووووووووووووووووووووووووووووووووووووووووو

وحشتونااااااااااااااااااا جدا بئا معاكم النهاردة رضوي و روما علي راديو سوجو ايجي من 8 ل 10 

هنتكلم ونهزر ونهيس و ايووووووووه بقا 

طبعا كلنا عارفين ان k-pop انتشر انتشااااااااار رهيب جدا في الدول العربيه و لكن كان قبلي american pop ........ 

اييه رأيكو بئا انهي احسن el K-POP ولا A-POP ؟! قولولي رأيكم في البوست دا ......

وياريت تشرفونا بطلابتكو للاغاني   

وتقدروا تكلمونا من علي اكونت السكايب عليSUJU EGY

http://sujuegy.listen2myradio.com/

RADWA  

ROMA

140227 - حلقة امبارح و كانت مع ريم حاتم على سوجو إيجى ..و اول فقرات (ازاى)

ازاى تقدرى تعيشى قصة حب كورية فى 8 خطوات بس؟؟^^

الخطوة الأولى : جدي الـ Flower-Boy

هاته هي الخطوة الأولى و الأهم و هي الخطوة التي ستأخذ منك وقتا أكبر في بلوغك غايتك الأسمى ألا و هي :قصة حب رومانسية على الطريقة الكورية, لذا عزيزتي شدي الهمة و ابحثي في حيكم او جامعتكم او في أي مكان عن Flower-Boy, و البحث عزيزتي سيكون شاقا جدا لأن الفتى الزهرة الذي تبحثين عنه يوجد الكثير منه في كوريا و لكن في بلداننا لدينا نوعية مختلفة,و الميزات التي يجب أن تتوفر به لكي يصبح Flower-Boy على الطريقة الكورية يجب أن يكون طويل القامة وسيم جداااا, كل الجامعة أو الثانوية واقعة في غرامه كل بنت تراه يقع مغشيا عليها,أما عنه فهو من نوع “يا أرض اشتدي ما حدا قدي” لايعبر أحد و متكبر الى أقصى الحدود ,يجب أن يكون هذا الشاب عزيزتي غنيا وغنيا ثم غنيا ,دعينا من المثاليات عزيزتي ومن ذلك الشعار الضخم “الشخصية أهم من المال” انسي هاته الحكمة ان كنتي تريدين عيش قصة حب كورية,بطلك عزيزتي عليه أن يكون وقح و بارد و غير مهتم و كذلك مغرور ,ان وجدت الشاب الذي يملك كل هاته المواصفات فهنيئا لك لقد قطعت الشوط الأول نحو رومانسيتك الكورية …ابقي عينك عليه لأنه “لقطة”.

الخطوة الثانية : أوقعي صديقه أو أخوه في حبك.

أكيد أنك بعدما قمتي بالخطوة الأولى قد قمتي بعدها بجرد كامل و بالتفصيل لحياة ضحيتك أو الـ Flower-Boy خاصتك , لذا من البديهي أن يكون عندك عدد اخوته و أصدقائه و حتى أعدائه ,لذا اختاري أقربهم اليه و أكثرهم كآبة ووحدة و تعاسة و أوقعيه في حبك,و اجعليه يشعر بالشفقة نحوك و حين يعطيك أو يعرض عليك النقود اياك ثم اياك ان تقبيلها منه عزيزتي و اعملي فيها معه مثاليات الأمر مسموح ليس الأمر كما مع الـ Flower-Boy, و احرصي عزيزتي أن تكوني واقعة في مشكلة كلما رآك و اذا لم تكوني كذلك لازم يا حبيبتي تخلقي مصيبة من تحت الأرض ,و ابكي أمامه و دعيه يمسح دموعك و ابعثي من ورا ظهره رسالة أس أم أس عن طريق مجهول لصديقه و الذي هو ضحيتنا تقولين فيها “حبيبتك تخونك مع صديقك” وحين يأتي سبع البرمبه مثلي و كأنكي لم تريه و اتركي الأخر يمسك يدك و لما “تولع” بينهم مثلي و كأنك أغمي عليك وهنا تظهر شطارتك عزيزتي.

140227 : روما على راديو سوجو إيجى وحلقه عن إزاى تخلى البنت الكيبوبيه تحبك ^_^

انيــــــــــو علــى احلــى ناس بتسمــعنــا عـى راديـو SUJU EGY 

بــأذن الله هيكــون النهــاردة معـاكو رومـا من 10 لـ12 

وهتكــون حلقــة مميزة بيكـو بأذن الله^^

و معلش ريم مش هتقدر تكــون معــاكو النهــاردة بسبب ظروف معينة^^

وهنغيــر الموود 

هتكــون مواضيعنــا مختلفــة زى امبــارح بالظبط  

وهنلبى رغابتكو فى المواضيع اللى طلبتوهــا  

و هتكــون الافكــار جديدة ومجنونة وهيييييييه بقى  

هنتكــلم عن ازاى تخــلى البنت الكيوبية تحبك   

اسمعــونا بأذن الله من 10 لـ 12 وانتوا تعرفو  

نتمنــى تفاعلــكو معــنا و مشـاركتكو و شرفــونا بطلباتكــو وبأذن الله 

هنسمع الاغانى اللى تطلبوها سوا  

فــايتنج  

http://sujuegy.listen2myradio.com

140226 - 8 طرق تخلينا نعيش قصة حب على الطريقة الكورية على راديو سوجو إيجى مع ريم حاتم ^^

انيووووووو يا احلى فااانز فى الدنياا كلهاااااا.. ^^

ان شاء الله هكون معاكوا النهاردة انا ريم حاتم على راديو سوجو ايجى

 من 10 ل 12 فى فقرة جديدة و مختلفة جداااا و ان شاء الله هتنال اعجابكم كلكم...

و خصوصا الفتيات الكيبوبيات... 

هنتعلم 8 طرق تخلينا نعيش قصة حب على الطريقة الكورية.. 

استنونا على راديو سوجو ايجى من 10ل 12 لو عايزين تعرفوا الخطوات..

الإستماع للراديو من هنا 

و متابعتنا على صفحتنا علي الفيسبوك

SUJU EGY BLOG

SUJU EGY RADIO!!! ^^

الإستماع للراديو من هنا ^^

المواعيد غالبا من 8 أو 9 بليل 

وحنقولكم علي البيدج إن شاء الله

it works from 9 or 10 pm +2GMT Cairo Timing
for any requests or complains please leave a comment or contact us from here ...Thank you ^^